Phuh ka jingrakhe ïa ka I-Day ba 79 ha Jowai, shah pynkup burom ki jaka sumar ba tbit

Jowai, Nailar 16: Ha Jowai ïa ka sngi laitluid ka Ri India ne ka 79th Independence Day la rakhe ha madan Jrisaleiñ ha kane ka 15 tarik u Nailar, 2025 ha kaba u myntri ka tnad Revenue & Disaster Minister ma Kyrmen Shylla ula wan ban pynher ïa ka lama lai rong bad shim ïa ka Rastriya salute ïa ki 33 tylli ki nongïaid Match Pass (contingents) kynthup ïaka District Police Jowai. Kiang Nangbah Govt College SDSW, NCC Cadets, 61 Megh.Girls Battalion JW Government Girls, 42 Meghalaya Battalion JDJW NCC, Jowai, Meghalaya Bharat Scout, West Jaiñtia Hills District, Meghalaya Bharat Guide, West Jaiñtia Hills District bad ki 27 tylli ki skul.
Ïa ka nongjop ha ka jingïaid Match pass la wan ba nyngkong da ka Police Public Secondary School, Jowai, ba wan ba ar ka PM SHRI School JNV Mukhla bad balai ka St. Mary Mazzarello Higher Secondary School, Jowai.
Ha kane ka sngi rakhe Independence Day la sam khusnam ïa ki jaka sumar kiba la trei shitom ban pynïaid ïa ka skhim MHIS-PMJAY Phase 6, ïa kaba la sdang naduh ka 1st January haduh 30th June, 2025. Ka Nartiang PHC kala ïoh ha ka kyrdan PHC, ka Ummulong CHC ha ka kyrdan CHC, ka Jowai Civil Hospital ha ka kyrdan District Hospital bad ka Woodland WK Hospital ha ka lang ki Private Hospital.
Katba ki nongjop ha ka District Olympiad in Mathematics, Science and Knowledge la wan ba nyngkong da ka North Liberty Higher Secondary School kaba la ïoh pdiang da ka Interactive Panea, ba wan ba ar ka Q C Springside Higher Secondary School da kaba ïoh pdiang da ka kor Computer, katba ka Jowai Public School ba wan ba lai ka la ïoh da Meeting Room Project.
Ha kane ka sngi la pynlong ruh ïa ka jingïalehkai phutbol Final jong ka Independence Day Cup Under-17 Football Tournament ha kaba ka kynhun ïalehkai jong ka Da-I Hi Sports Club Mynsngat kala jop da 2-0 kol ïa ka Lumpyrtuh SYC Mihmyntdu.