2nd Division EJHDFA: Khur jingjop ka Lumshnong YWSC, Moosianglamare New bad ka Mosianglamare Old SWO

Jowai, Naitung 27: Ka lympung ïalehkai phutbol 2nd Division League Stage 2025 bala pynïaid da ka East Jaiñtia Hills District Football Association (EJHDFA) kaba la long ha ka sngi saitjaiñ 26 tarik ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Lumshnong YWSC kala jop da 3-0 kol ïa ka Iapmala United SC, ïa ki kol na ka Lumshnong ywsc la thep da u Joy peace Pohthmi haka minit ba 41, u Arniki suchiang haka minit ba 51 bad u Rida o Rupai haka minit ba 59.
Ha ka jingïakhun kaba ar ka Moosianglamare New YWOSC kala jop da 4-1 kol ïa ka Lakadong Ummat SSC, ïa ki kol na ka Moosianglamare New ywosc la thep da u Juhki Suting haka minit ba 10, u Iotmi Nongtdu haka minit ba 31 bad u Woldbest Nongtdu ha ka minit ba 44 bad 49. Ïa ka shikol na ka Lakadong Ummat SSC la thep da u Rimiki Chadong haka minit ba 18.
Katba ha ka jinhïakhun kaba lai ka Mosianglamare old SWO kala jop da 5-4 kol ïa ka Ratacherra, ïa ki kol na ka Mosianglamare old SWO la thep da u Pyniar Pasleiñ haka minit ba 8 & 30, u Premio Muksor minit ba 35, u Sol Sympli haka minit ba 72 & 80+3. Ïa ka shikol na ka Ratachera la thep da u Gradely Mylliem ha ka minit ba 20, 39 & 42 bad u Lutmon Pohshna haka minit ba 75.
La pyntip ba ka jingïakhun kan bteng ha ka 29 tarik u Naitung ha ki lai tylli ki jingïakhun.