Shillong, Nailur 20: Ka All Meghalaya Karate-Do Association (AMKA) kan pynlong ïa ka sienjam kaba 13 jong ka Inter College Karate Tournament, kaba ju pynlong man la u snem, ha ka 26 tarik Nailur, 2026 ha Shillong College.
Ïa kane ka lympung yn pynlong ryngkat ka jingïatreilang bad ka Sports Development Cell jong ka Shillong College bad kumjuh ruh ka jingkyrshan na ka tnad ïalehkai jong ka jylla Meghalaya.
Ki phom pynrung kyrteng (Registration forms) lah ban shim na ophis treikam jong ka AMKA, kaba don ha YMCA Hall – Mavis Dunn Road ha Mawkhar. Ka tarik ba khatduh ban pynpoi ïa ki phom ban ïashim bynta kan long ha ka 24 tarik u Nailur. Na ka bynta ki jingtip ba kham bñiah phi lah ban phone ha kine ki number:- 9774062118, 9856623718, 9378186278, 9863103071, 8794468993 lane 9362766226.
Ki nongïalehkai Karate jong ka Shillong College ki la jop ha baroh saw tylli ki kyrdan jong kane ka lympung ha u snem ba ladep, bad la sakhi ruh ïa ka jingïakhun kaba tyngeh na ka St Anthony’s College, St Mary’s College bad ka Lady Keane College.
