Amlarem, Jylliew 06: U Sub-Divisional Officer (Supply), Amlarem Sub-Division ula pynbna paidbah ba ïa u khaw u ba hap hapoh ka NFSA (AAY & PHH) bad ka Non-NFSA na ka bynta u bnai Jylliew, 2025 la sdang ban pyllait noh sha baroh ki Fair Price Shop Dealers haduh ka 15 tarik u bnai Jylliew, 2025 katkumkine ki kyndon harum. Ïa ka bhah u khaw AAY yn sam ha ka jingthew kaba 35 kilo ka wei ka longïing (ym donkam siew Pisa).Ïa u khaw PHH yn sam 5 kilo shikhlieh (ym donkam siew Pisa).Katba ïa u khaw Non-NFSA yn sam 7.215 kilo shi card ha ka dor ba ym palat ïa ka Rs.14/- shi kg. Lada don kino kino ki ba shim da ka pisa ne ki bym ïoh ïa kitei ki mar jong ki, ki lah ban ujor ha u Sub-Divisional Officer (Supply), Amlarem Civil Sub-Division, da kaba thoh shai ïa ka kyrteng bad ka shnong jong ki khnang ba yn lah ban pynshitom ïa ki. Lah ruh ban ujor ha kine ki number harum: Sub-Inspectors – 9436110184/8731025753 ne Email: sdo_amlarem@outlook.com
