Amlarem, Jymmang, 30: Ka Headteachers/Headmasters/Principals/Teachers Training Session jong ka First Edition ba 2 sngi ba la pynïaid da ka Education Sub Committee ka War Jaiñtia Students’ Union, ka la sdang ha ka sngi Palei ha Riwar Jaiñtia Churh of God Secondary School, Ladjaplem, Amlarem Civil Subdivision.
Ha kane ka Teachers Training Session First Edition la ai jinghikai ïa ki nonghikai Lower bad Upper Primary Schools kiba hapoh ka thaiñ Warjaiñtia da ki faculty members na ka Skulbah ICFAI University Meghalaya, Shillong.
Ha ka sngi plie ia kane ka Training Session la pynïaid da u Alban K Gashnga, Chief Adviser ka seng, ha kaba u Ishan Gupta IPS, Additional Superintendent of Police ka West Jaiñtia Hills District, Jowai ula long kum u kongsan, u symbud kongsan ma H.Comfortstar Lamin Gassah Incharge ka Sub-divisional School Education Officer, Amlarem Civil Subdivision bad la ïa donlang u Principal ka Riwar Jaiñtia Church Of God Secondary School ma Hastingroy Kharkhongor kum u special guest.
Kane ka program hikai ïa ki nonghikai ka la long kaba ïaid beit iïaid ryntih bad la wan ban ïa shim bynta da ki 50 ngut ki nonghikai katkum ba la buh jingkheiñ da Education Sub Committee ka seng.
Kane ka Teachers Training Session la pynkut ha ka sngi Thohdieng da kaba sam sha ki nonghikai ïa ki Certificate of Participation da u samla Everest Langstang, General Secretary ka seng WjSU. Ïa ki Certificate of Appreciation la sam sha ki Faculty Members ka ICFAI University Meghalaya, Shillong da u Bah Alban K Gashnga, uba long u Chief Adviser ka seng.
Na ka liang ka Education Sub Committee ka seng ka la pyntip ba kan pynlong ïa ka Second Edition kum kane ka juh ka training session ha u bnai January 2026.
Katba ïa ka jingkren pdiang ha kane ka sngi la ai da ka Graceful A Pohthmi Education Secretary ka seng bad ki kyntien ai khublei da u Senior Vice President ka seng bah Autumn Sumer.
