Nongpoh, Jymmang 24: U wei u rangbah bala tip kyrteng kum u Bah Phine Lapang (35) na ka shnong 17 mer Ri-Bhoi District u la khlad noh syndon ha na kane ka sla pyrthei hadien ba u la shah tynrah ha kawei ka kali bym ithuh katba u dang jam na shilliang sha shilliang surok.
Kane ka jingjia ka la jia haka por kumba 10:30 eiei haka miet jong ka 23 tarik mynta u bnai ha kawei ka kali kaba la pynsted kaba dang kiew sha ki thaiñ Nongpoh, ka la tynrah beit ïa utei u rangbah u ba dang jam na shilliang sha shilliang surok haduh ba un da khlad noh syndon na kane ka sla pyrthei katba katei ka kali ka la phet krad na katei ka jaka hadien katei ka jingjia.
Ïa u tei u rangbah la pynkit noh sha Civil Hospital Nongpoh, ban pyndep ïa ka post mortem bad ka jingtohkit halor katei ka jingjia ka dang ïaid shakhmat.
