Shillong, Ïaiong 14 : U Symbud Myntri Rangbah ka Jylla ba peit ïa ka tnad Urban Affairs, Bah Sniawbhalang Dhar ha ka sngi Nyngkong u la pyntip ba ka kam ka la ïaid stet bha ha ka jingpyntreikam ïa ki projek bapher bapher jong ka Smart City.
Haba kren bad ki lad pathai khubor, u Symbud Myntri Rangbah u la ong, “Ngi la buddien na ka por sha ka por bad ka kam mynta ka ïaid shakhmat.”
Nangta u ïathuh ruh ba kumba 98 persen ka kam ha ka Polo Shopping Mall ka la dep bad kaba sah ka long sa tang ban pyndep ïa ki jaka pynieng kaba dang trei shaid shaid mynta.
“Kyrmen ba lada ym dei mynta u snem ruh hynrei la kumno kumno ha ki pdeng jong u snem 2026 yn lah ban pyndep lut baroh,” bynrap biang u Symbud Myntri Rangbah.
Nangta u la pyntip ruh ba ka sorkar jylla ka dang ap biang mynta sa ïa ka projek kaban wan ha ka kylla kaba ar lyngba ka Smart City Project.
