Nongstoiñ, Ïaiong 10: Ki nongïalam jong ka Hynñiewtrep Youth Council, West Khasi Hills District Unit, ha ka sngi Palei ki la ïakynduh ïa u Deputy Commissioner jong ka West Khasi Hills u Bah Garod LSN Dykes ban pan jingpynshai halor jingthung kam thungjam lyngba ka District Selection Committee.
Ka HYC ka la pynpaw ba ka la ïoh bun ki jingujor na ki samla wad kam na West Khasi Hills District halor ka jingsahteng ki examin, ki interview, ki result jong ki examamin naduh u snem 2020 hynrei mynta la nang pynmih pat ïa ki Advertisement thymmai kat haduh ba ka la pynlyngngoh khamtam ïa ki samla wadkam.
Ka seng ka dawa ban pyndep shuwa ïa ki kam sahteng la ka dei ka jingthoh ekamin, ka interview ka result jong kiba la sahkut la slem naduh u snem 2020, nangta sa pynbeit sa kine kiba dang ai jingpynbna mynta.
Ka long kaba dei ban pynbna paitbah ïa baroh ki post kiba la lait, hynrei ki paidbah ki kwah ban khuid shuwa kiba rim, namar kiba naduh 2020 ym pat pyndep. Hynrei mynta pat mih kynsan pynban sa ki post ba thymmai katkum ka tarik kaba 28.3.2025.
Ha ka jingïakren, na ka liang u DC u la ong un sa shimkhia katba ka por ka dang shah ïa u kum u DC bad ong ruh ba ha ka por jong u, ki la don haduh lai tylli ki elekshon ba kynthup ïa ka MLA, MP bad MDC, dei na ka ta ka daw ba buh jingeh bha ban ïaid shakhmat.
U la kular ban pyndep shuwa ïa ki Exam, Interview bad result shuwa ïa kiba ba la dep advertisement naduh snem 2020. Ïa kiba advertise mynta snem 2025 ha ka Grade 3 yn pynlong ha ka 28.3.2025 bad Grade 4 ha ka 4.4.2025 kin da leh hadien da lah dep ïa kiba ka advertise naduh 2020.
U ong mynta u snem ka thong ban pyndep ban thung kam ïa ki ba la Advertise naduh 2020 haduh mynta 2025. U la ong ki dang pynkhreh ban don exam ban ïoh Hall bad u la dep lum ïa ki nongïalam skul, College ban ïarap ai jaka namar bun kiba wan thoh exam hynrei ki jaka thoh exam ki duna.
