Namar ka jingpynthut u slap la sangeh shuwa shipor ïa ka jingpyntrei ïa ka jingkieng ha khappud hajan Shymplong

Khliehriat, Jylliew 14: Ka tnat Public Works Department (roads) N.E.C Division Khliehriat ka la sdang ïa ka jingpyntrei ban maramot ïa ka jingkieng kaba don hajan Shymplong ha kaba ka tnat ka la sdang ban pynpoi ïa ki tiar ki tar, hynrei la ong ba na ka daw ka jingther jur palat u slap ka la wanrah ïa ka jingthut, kumta la pynsangeh noh shwa bad la khmih lynti ba ynda la kham duna u slap ïa katei ka jingkieng ka tnat kan sdang noh ban pyntrei.
Kum ban shu phai dien, ka ka jingkieng ( RCC Bridge No 54/1), ka ba don 1.6 mitar ka jingjrong, kaba ju iaid ki paidbah jong ka thaiñ khappud ha shnong Shymplong, hajan Sonapyrdi, myn ha ka 17 tarik u iaiong ka la dkhut ar liang bad ka um kaba lat-lat ka la rong noh ploiñ ïa ka jingkieng, ka jingdkhut noh kane ka jingkieng kala buh jingeh haduh katta katta ïa ki paidbah ha ki thaiñ khappud namar na kane ka jingkieng ki paidbah jong ka shnong Huroi, Hingaria, Lejri, Lahalein bad kiwei kiwei ki shnong ba khappud ki jing iaid lyngba.
Ki nongshong shnong jong ka shnong Shymplong bad ki shnong ba mar jan ki iathuh ba lada ki donkam bad leit sha Khliehriat, sha Umkiang ki hap ban iaid da ka kjat na kawei ka jingkieng ïaid kjat (Hanging Bridge) kaba don ha ka wah Lukha tat haduh ba kin da poi ha surok national highway ha Sonapyrdi, la ong ruh ba naduh ba julor katei ka jingkieng ym don kali shuh ki ban wan bad leit sha ki shnong khappud kiba dei ïaid lyngba na katei ka jingkieng kiba kynthup ka shnong Huroi, Hingaria, Lahaleiñ, Lejri bad kiwei kiwei ki shnong.
Ki nongshong shnong jong ka shnong Shymplong bad ki shnong ba mar jan ki iathuh ba lada ki donkam bad leit sha Khliehriat, sha Umkiang ki hap ban iaid da ka kjat na kawei ka jingkieng ïaid kjat (Hanging Bridge) kaba don ha ka wah Lukha tat haduh ba kin da poi ha surok national highway ha Sonapyrdi, la ong ruh ba naduh ba julor katei ka jingkieng ym don kali shuh ki ban wan bad leit sha ki shnong khappud kiba dei ïaid lyngba na katei ka jingkieng kiba kynthup ka shnong Huroi, Hingaria, Lahaleiñ, Lejri bad kiwei kiwei ki shnong, kane ka la buh jingeh shisha ïa ki paidbah ka thaiñ khappud namar kam dei kaba suk ïa ki nongshong shnong ka thaiñ ban kiew ban hiar ïa ki riat lem bad ka kit ka bah ban iaid lyngba na ka jingkieng iaid kjat kaba don ha ka wah Lukha, kane ka buh jingeh khamtam eh ïa kito kiba pang ba shitom, namar katei ka jingkieng kaba la julor, watla ka dei tang ka jingkieng kaba rit hynrei ka dei kawei na ki jingkieng ba kongsan ha ka thaiñ khappud.