Nongpoh, Jylliew 14: Kumba 3 tylli ki dukan kila kem ding kynsan bad ingkhong hynne ka step ha Nongpoh, Down Gate hadien ba ka ding bala klang kala bam duh bala suba ruh ba dei ka jingthang dusmon jong ki runar, hadien ba kila dep ban tuh, kaba la wanrah ka jingduhnong kaba khraw ïaki trai dukan.
Katei ka jingjia kala jia hynne ka step haka por 3 baje eiei ha kaba naka liang ki trai dukan kila suba jur ba dei ka jingthang dusmon jong ki runar namar ba kim shym la pyndonkam ding lane bording elektrik ha kitei ki dukan kiba la shu pynmeh tang da ka solar.
Ki trai dukan ki dap ruh da ka jinglyngngoh kumno kitei ki dukan ki pluh haka por 3 baje mynstep khlem kano kano ka daw namar ba kidei kidukan rit nalor ba kim ju pyndonkam ding lane bording elektrik kaba la pynlong ïaki ban suba jur ba dei ka jingthang dusmon jong ki runar.
Naka liang kitei ki trai dukan kila kyntu ruh ïaki bor jong ka aiñ bad kumjuh ruh ki bor shnong ban peitngor bad ban shimkhia halor katei ka jingjia, kumba kitei ki dukan ha kitei ki thaiñ ki ju mad ruh ka jingshah prong ki dukan bad shah tuh naka por shaka por bala suba ruh ba dei ki nongdih drok bad halor katei ka jingjia naka liang ki bor shnong kila ujor ruh da ka ejahar ha Nongpoh Policed Station ban lapdien ïaki runar.
