Shillong, Rymphang, 19: Ka KSU Jowai Unit ha ka sngi Baar lyngba ka Education Cell ka la noh synniang da ki kot pule sha ki khynnah skul kiba wan na ka longiing longsem kiba duna ka ïoh ka kot bad kiba shem shitom ban thied kot skul ïa ki khun jong ki.
Ha kane ka sngi la ïadon lang ruh u General Secretary ka KSU WJHDU u samla Leningrad Tariang, u General Secretary ka Jowai Circle u samla Nidapoi Shadap, ka Education Secretary ka War Jaiñtia Circle ka Kong Ladaplin Hayong, u President jong ka Jowai Unit u Ewanmi Phawa bad ki kmie ki kpa jong ki Khynnah Skul
Ka jingthmu jong ka seng hi ka long ban kyrshan ïa ki khynnah skul ban kiew ka pule puthi hapoh ka Bri u Hynniewtrep bad ban kiew ka jaitbynriew Khasi baroh kawei
Ka Seng kan sa bteng ïa kane ka kam ha kiwei ki rukom ban kyrshan ïa ki khynnah skul bad ïa ki samla pule.
