Nongpoh, K’lyngkot, 10: Kumba ka Meghalaya Pradesh Congress Committee (MPCC) ka la dep ban pynbna ïa ki kyrtong ha ka wat kaba nyngkong bad mynta ka sngi ka la pynbna ïa ki kyrteng ki kyrtong ha ka wat ka baar ki ban ïa aireng ha kane ka election MDC 2025, hynrei haba phai sha ki 5 tylli ki Constituency dang pynsah teng sa ka Nongpoh Constituency, kaba dei ruh ka head quarter jong ka Ri Bhoi District.
Kum ban pynkynmaw, ha ka wat kaba nyngkong, ka MPPC ka la pynbna ïa ki ar ngut ki kyrtong na Ri Bhoi District, kata kynthup ïa u Bah Rocky Marwein kum u kyrtong ka Congress na Umsning Constituency bad u Bah Dominic Mynsong kum u kyrtong ka Congress na Mawhati bad mynta ka sngi pat ki la pynbna sa 2 ngut kata ïa u Bah M.D Syiem na Umroi bad u Bah Victor Rani na Jirang bad katba na Nongpoh Constituency ki dang pynsahteng kumba la pynpaw ha ka Notification pynbna kyrteng.
Katkum ka jingtip ba la ïoh lum, kumba la pynbna ïa ki kyrteng ki kyrtong mynta ka sngi, ba dei na Ri Bhoi District, na Umroi ki don 3 ngut kiba la pan ticket ba kynthup ïa u Bah Arbinus Lyngdoh, ka Kong Christable Wanniang bad u Bah M.D Syiem bad ha ka jingbishar bniah ka party ka la ibit ïa u Bah M.D Syiem kum u kyrtong uba dang wan pynïasoh dang shen bad ka Congress bad uba la pan ticket ruh na ka Umroi Constituency Progressive Forum (UCPF).
Haba phai pat sha ka Jirang Constituency, ki don 3 ngut kiba la pan tiket kita ki kynthup ïa u Bah Adrian Chyne Mylliewmngap, u Bah Wansuk Lyngdoh bad kynthup ïa u Bah Victor Rani bad ka party Congress ka la ibit ïa u Bah Victor Rani ba un long kum u kyrtong ka Congress u ban aireng ha kane ka election MDC na Jirang Constituency/
Kum ban pynkynmaw, u Bah Victor Rani, u dei u MDC ka NPP, uba la phet noh na ka party NPP bad u la wan ban pynïasoh sha ka party Congress ban pan ticket na ka bynta ban ïa khun ha kane ka election MDC bad mynta ka sngi la pynthikna hadien ba ka MPPC ka la dep ban pynbna ba un long u kyrtong ka Congress u ban aireng ha kane ka election MDC na Jirang Constituency.
