Shillong, Kyllalyngkot 09: Ka Shillong Lajong FC kan wanphai biang ha ka lympung I-League ha kaba kan pynkhreh ban aireng pyrshah ïa ka Real Kashmir FC mynta ka sngi hala ïing ha ka por 7 baje janmiet ha madan SSA Stadium, Polo.
Hadien ka jingpyn sangeh kaba shipor, ka Shillong Lajong kan ïalehkai ïa ka jingïakhun kaba hynñiew jong ka ha ka I-League. ïa mynta ka Lajong ka don ha ka kyrdan ba 10 ha ka miej da kaba kamai 6 poiñ na ki 6 tylli ki jingïalehkai. Katba ka Real Kashmir mynta ka don ha ka kyrdan kaba 7 da kaba kamai 9 poiñ naki 6 sien ïalehkai.
Related Posts
Haba kren shuwa ban jam sha ka sngi ïakhun, u Coach ba rangbah jong ka Lajong – u Jose Carlos Rodriguez Hevia, u la pynpaw ba ka kynhun ka la pynkhreh bha ïa kane ka jingïakhun bad kan khmih lynti ban khur ïa baroh 3 point pyrshah ïa kane ka kynhun kaba khlainbor na Kashmir.
Wat la katta ruh kane kan pynshisha ba kan dei ka jingïakhun kaba itynnat bha mynta ka sngi hapdeng kine ki arliang mamla namar baroh kin kyrmen ban jop ban kiew kyrdan kham shakhmat ha ka miej.
ïa kane ka jingïalehkai yn pyni live ha Sony Sports 2 Channel, SSEN mobile app and ssen.co website.