La thung ïa ki Mandal President ka BJP ha baroh 60 tylli ki Constituency ha Meghalaya

Shillong, Kyllalyngkot 6: Mynta ka sngi u Returning Ophisar ba dei peit ïa ka elekshon ha ka party BJP ban jied ïa ki Mandal President u bah Khrawboklang Basaiawmoit u la pynbna ïa ki kyrteng kiba la shah jied kum ki Mandal President.
Ka Parry BJP hadien ba ka la dep ban pynlong ïa ka jingpynrung dkhot ha kane ka jylla Meghalaya khamtam hadien ba ka party kala ïoh ban bat biang ïa ka jingsynshar ha kaba kala jop ïa ka MP elekshon MP 2024, ha kaba u myntri rangbah duh jong ka u la kwah ban pynthymmai ïa ka jingpynrung dkhot.
Kane ka jingpynrung kyrteng kum ki dkhot ka BJP ka long kum ka jingpynskhem ïa ka jinglong dkhot ha ka party man ka san snem, kumba ka long mynta ki don 12 klur ki dkhot jongka party bad bun lak ki long kiba trei na ka bynta ka party ïa kaba la pynrung ha u snem 2024.
Kumba ka long mynta ka party BJP kala dang kiew bad kiba bun ki paidbah kila wan ban pynïasoh sha ka party la ong u Rikman G Momin President ka BJP Meghalaya State Unit bad mynta ka party kala dang suh thied ha Meghalaya ka don ka jingkyrmen ïa ka party ha ki election ban dang wan.
Ka party BJP kala pyni da ki nuksa pyrshah ïa kiba pynmih ïa ki khubor lamler kiba la pynbna pyrshah ïa ka, ka party ka bat ïa ka shynshar paidbah bad kam lah ban pdiang ïa kiba ïaleh pyrshah bad kane ka jingjied ïa ki nongkit kam ka long kaba beit naduh ki Mandal President haduh u National President.
Mynta ka sngi la pynbna ïa baroh ki Mandal President kiba dei ha baroh 60 tylli ki Konstitwensi ha ka jylla Meghalaya bad ka elekshon ban jied ïa ki nongkitkam la leh katkum ka synshar paidbah, la ong u Sabyasachi Ghose u dkhot ka State Media Cell BJP, Meghalaya Pradesh.