Shillong, Jylliew, 08: Ka Meghalaya Board of School Education (MBoSE) Tura ha ka sngi Balang ka la pyntip ba ïa ka result jong ka eksamin Secondary School Leaving Certificate (SSLC) bad Higher Secondary School Leaving Certificate (HSSLC), Arts Stream yn sa pynbna paidbah ha ka 10 tarik mynta u bnai.
U Kyrwoh ba la phah da u Controller of Examination ka MBoSE, Tura, u Bah TR Laloo, ula pyntip ba ïa ka Result Booklet lah ban sei na ka Website jong ka MBoSE ba la ai kyrteng, www.mbose.in. Ym ym tah satia ïa ki result ha ophis jong ka MBOSE ha Tura bad Shillong.
Ïa ki result lah ban peit ruh na ki website, www.megresults.nic.in, www.meghalaya.shiksha, www.result.shiksha bad www.jagranjosh.com.
