Jowai, Naiwieng 19 : Ki Pulit ka West Jaintia Hills mynta ka sngi Ba-ar, kila kem ïa uwei u briew ba kyrteng u D.Dkhar jong ka shnong Latyrke, East Jaintia Hills namar ka jingshoh bad thang ïa la ka kurim ha ka ïingsah ha shnong Niriang kaba hap hapoh ka Thadlaskein Block.
Ki Pulit ki pyntip ba une u briew ula shoh ïa a kurim haduh ba kam tip briew shuh bad hadien ula thang ïa ka durkhmat bad ka ryndang jong ka.
Kane ka Longkmie hadien ba kyndit bynriew kala pyntip mar mar sha ki bahaïing kiba la pynkit mar mar sha ka Shnong Kut, West Jaintia Hills ban ïoh jingsumar na ki nongsumar kynbat.
Ki Pulit ki pyntip ba kane ka jingjia kala jia ha ka 29 tarik Nailur bad hadien katto katne sngi ba jia kane ka jingjia, une u kurim ula wan bad ïalam ïa ka sha Jowai Civil Hospital, kaba la phah kit noh sha Civil Hospital Shillong.
Ki ïathuh ba hadien ba pynkit hospital, une u briew ula phet rieh hynrei hynne ka sngi kila ïoh ban kem noh ïa u bad la ïalam tian bishar hakhmat ka ïingkashari kaba la phah set ïa u hapoh ka Judicial custody ba 15 sngi.
