Ka jingshah thied ki MLA ka don jingïadei bad ki kam khaïi drok, kynnoh u MP ka Tura

Shillong, Naiwieng 14: U MP ka Congress na Tura u Saleng A Sangma ha ka sngi palei ula kynnoh ba ka rai jong ka seng National People’s Party (NPP) ban thied ïa ki 3 ngut ki MLA ka don ka jingïadei bad ka jingkhaïi drok ha kaba kane ka la ktah ïa kumba 3 lak ngut ki samla jong ka jylla Meghalaya.
Na ka liang jong u ula ong ba ka sorkar jylla ba la ïalam da ka seng NPP kadei ban shim ka jingkitkhieh ha kaba ïadei bad kane ka jinglong jingman bad lada kim lah ban leh ïa kane kin hap ban hiar noh na ka shuki ba ki shong.
Haba kren sha ki lad pathai khubor na ka liang jong u Saleng u la ong ba ki 3 ngut ki MLA jong ka seng Congress kiba kynthup ïa u Bah Celestine Lyngdoh (Umsning), Gabriel Wahlang (Nongstoiñ) bad u Bah Charles Marngar (Mawhati) ki la shah thied da ka seng NPP, wat la kam da ka donkam ïa ki ba kin don ha ka seng NPP ban thaw ïa ka sorkar.
“Kumba ka long mynta, ka NPP ka lah ban thied ïa kino kino ki MLA ne ki MP hangne ha Meghalaya hynrei shabar jong ka jylla kim lah satia ban leh ïa kane,” u la ong.
Haba kynnoh ba kane ka kam ka don ka jingïadei bad ka kam khaïi drok ha ka Meghalaya, na ka liang jong u MP u la ong ba indirectly ne directly, na ka liang ka sorkar ka tip bha ïa kane. “Ha kano ka rukom ki la lah ban thied ïa kine ki 3 ngut ki MLAï Hato ki donkti ha kaba ïadei bad kane ka kamï” u la kylli.
“Ki la don kumba palat 3 lak ngut ki samla kiba la kyrni ha ka kam dih drok, hato ki pyrkhat bad kane ka sorkar ka la leh ïa ka kam kaba bhaï Udei u drok jong no ba la ai sha ki samlaï Lada ka sorkar ka don ïa ka jingthmu kaba bha kine ki 3 lak ngut ki samla kin ym shah ktah ha ka kam kyrni dih drok,” ong u Saleng.
Haba kylli, na ka liang u MP ka Congress u la ong, “Mano ba ai drok ïa kine ki 3 lak ngut ki samlaï Shano kane ka pisa ka leitï Balei kane ka sorkar kam lah ban lap ïa ki runarï Mano badei ki runar halor kane ka kamï Mano ba peit ïa ka tnat narcoticï Mano ba shah ba une u drok un wan ha Meghalayaï Mano ba shah ïa kane ka kam khaïi beaiñ ba kan wan jia ha kane ka jylla Meghalayaï”
“Lada ka sorkar kam shim ïa ka jingkitkhlieh na ka bynta kane ka kam, ki dei ban hiar noh na ka shuki, bad kim dei satia ban bun kam ha ka thied ïa ki MLA,” u la ong da kaba dawa ruh ba ka sorkar kan dei ban shim ka jingkitkhlieh halor kine ki jinglong jingman kiba la jia ha jylla Meghalaya kiba la pynlong ïa ka jylla ban don bun ngut kiba dih drok.