Jowai, Naiwieng 14: U District Sports Officer (DSO) ka West Jaiñtia Hills District, Jowai ma K. Passah ha ka kyrwoh khubor bala phah ula pyntip ba ka tnad ïalehkai jong ka Sports & Youth Affairs ka sorkar jylla ha ryngkat ka Meghalaya Institute of Governance (MIG), ka District Sports Office, Jowai bad ka Thadlaskeiñ Sports Association kin pynlong ïa ka ‘Exhibitions Football Match’ haka 18 tarik u Naiwieng, 2024.
Ha kane ka jingïalehkai Exhibitions Football Match kan long hapdeng ka kynhun ïalehkai jong ka Racing Club De Blackheath na United Kingdom pyrshah ïa ka Jaiñtia Veteran 11, ha ka por 11 baje mynstep ha Wahiajer Multi Sports Complex, Wahiajer West Jaiñtia Hills District.
