Pynkylla ka MCA ïa 3 ngut ki player na bynta ka jingïalehkai ban wan jong ka U-23 Col CK Nayudu

Shillong, Naiwieng 03: Ka Selection Committee na bynta ka kynhun jong ka Meghalaya Cricket Association ka la pynkylla katto katne ïa ka kynhun ki rangïalehkai U-23 ka ban ïakhun ha ka Col CK Nayudu Trophy na bynta ka jingïalehkai kaba saw pyrshah ïa ka Rajasthan.
Kane ka jingïalehkai ka ban long bun sngi (multi-day) la buh ban sdang naduh ka 8 tarik Naiwieng ha Jaipur.
Ka jylla ka la ïoh ban rung sha ka thup ïakhun kyrdan elite hadien ba wan ba Ar ha ka jingïalehkai lympung plate group ha ka samoi ba ladep, ka Meghalaya ka la mad namrem ha ki lai tylli ki jingïalehkai ba nyngkong pyrshah ïa ki jylla ba khlaiñbor, kata pyrshah ïa ka Punjab, Andhra Pradesh bad ka Himachal Pradesh.
Ka jingïalehkai kaba kham hadien la sakhi ïa ka Meghalaya kaba la rem noh da ka inning bad 229 ron namar ka la lah ban kamai 173 ron ha baroh ar inning. U Josiah Momin (40) bad u Swastic Chettri (33) ki la pyni ïa ka jingtbit jong ki ha ka tied, katba san ngut na ki hynriew ngut ki rangkawangbol ba la pyndonkam ki la ïoh ban khur wicket pyrshah ïa ka Himachal kaba tied tang kawei ka inning, ha kaba u Gulgul Sangma u la ïoh ban khur 3/51.
Na bynta ka jingïalehkai ka ban sa long, ka komiti ka la pynrung ïa u Rohit Kr Yadav, Sachin Kumar bad u Kush Agarwal ha jaka jong u Aman Kumar, Avinash Rai bad u Purav Agarwal.
Ka kynhun ïalehkai jong ka Meghalaya pyrshah ïa ka Rajasthan: Kevin S Christopher (C), Manish Sharma (V-C), Rohit Kr Yadav, Sachin Kumar (WK), Abhishek Kumar, Kush Agarwal, Gulgul Sangma, Gavineal J Marpna, Bipin Kr Ray, Josiah Momin, Joydeepan Deb, Banialam Mylliemngap, PM Santhosh, Thunun Marak (WK), Swastic Chettri
Standbys: Agreas Cham Cham Sangma, Navin K Ray, Aman Kumar, Bharat Gurung, Raghav Magotra
Support staff: Neetesh Sharma (Head Coach), Synrapsing Riahtam (Assistant Coach), Emidao Dhar (Physio), Skhembor Khongbtep (Trainer), Chuba R Marak (Manager)