Jowai, Risaw 17: U Chief Executive Member (CEM) ka ka Jaiñtia Hills Autonomous District Council (JHADC) u ma Thombor Shiwat mynta ka sngi ula phah ïa ka khubor sngewlem sha kiba haïing ha sem jong u ma (L) H.B. Dan uba la khlad hynnin ka sngi.
Haka jingkren bad ki nongthoh khubor u ma Thombor ula ong u ma (L) H.B Dan u long u briew uba pawnam haka kam shakri paidbah, kumjuh ïa ka District Council bad ka jylla hi baroh kawei, kane ka jingkhlad u ma Dan kala long ka jingduh nong kaba khraw eh.
Shuh shuh u CEM ula pynkynmaw ïa ki lai ngut ki MDC ha kito ki por kata u GH Pde, u H Mukhim bad u HB Dan kiba la jop na ka seng Jaiñtia National Union (JNU) ha kaba la ai kyteng ïa kine ki lai ngut ki khun jong ki haka kyrteng kane ka Party kaba la buh ha ka jingsah kynmaw.
U la pynsngew ba u ma (L) H.B. Dan ula long ruh kum u MLA bad u MDC, ula long teng u CEM ka Council, ha ka por ba long CEM ula buh maw sahnam da kaba “pynduh ïaka jinglum khajna ha ka por ba pynthymmai ïa ki pata”, naduh kata ka por haduh mynta ki paidbah kiba donkam ban pynthymmai pata kim donkam shuh ban siew khajna.
Na ka liang u ma Thombor Shiwaat ula pynpaw ka jingsngewnguh ïa ki jinghikai jong u ma Dan ïa u haka kam synshar khadar, haduh ba ula poi ha kane ka kyrdan ba mynta lyngba ka jingïalam lynti u ma (L) H.B. Dan.
