Ai dorkhas ka HNYF sha u Director Sericulture & Weaving ba tylli ki kam haka tnad Sericulture WJHD

Jowai, Risaw 17: Hadien ka jinglap ka seng Hynñiewtrep National Youth Front (HNYF) lyngba ka RTI halor ka jingdkhoh treikam ka ophis District Sericulture Officer West Jaiñtia Hills District, ha kane ka 16 tarik u Risaw ki nongïalam jong ka seng kila leit ban ia kynduh ïa u Director ka Sericulture & Weaving ban ïa tai jingmut halor ka jingthylli ki kam kiba dang lait ha poh ka tnad Sericulture WJHD.
Na ka liang ka seng kala ai da ka dorkhas bad ai jingmut ruh ba dei ban pyndap noh ïa ki tei ki kam ba thylli da kiba dei ban ïoh hok, ha ka juh ka por ka seng lynba ka dorkhas kala ai jingmut ruh dei ban thung hi da kito kiba lah bit bad kiba lah dep training ha kane ka kam khnang ba kan ïaid beit katei ka Department.
Ha ka juh ka por ka seng kala kyrpad ruh ïa ka District Selection Committee kim dei ban leh arsap haba thung ïa uno uno ne kano kano bad ban pynkloi ruh ban thep noh ïa kitei ki post ba thylli khnang ban ïoh jingmyntoi hi ki nongshong shnong jong ka Jaiñtia hi baroh kawei lyngba katei ka Department, la pynkut ka kyrwoh lyngba ka seng (HNYF).