Palat hajar ngut ïoh pdiang tin sop ïing ki longïing baduk ka Mawhati Constituency ha Ri Bhoi

Nongpoh, Jylliew 04: Ka long shisha ka jingkmen kaba khraw ïa ki hajar tylli ki longing baduk hapoh ka Mawhati Constituency ha Ri Bhoi District, ha kaba mynta ka sngi ki la ioh pdiang ïa ki tin sop ïing ba la sam paidbah da u MLA ka Mawhati ha ka jingïalang kaba la pynlong ha Umroi Nongrah.
Na ka liang u MLA ka Mawhati, u Bah Dasakhiatbha Lamare lyngba ka skhim MLA u la lah ban sam haduh 1230 tylli kki longing baduk da ki tin soping ha kaba la sakhi lang ha kane ka sngi da ka jingdon lang ki nongïalam ka NPP ba kynthup ïa u Bah RM Mukhim, Working President ka NPP Mawhati, u Bah Donbok Kharnaior, Secretary, u Bah Shemphang Lyngdoh, Kyrtong ka NPP na Mawhati lem bad shibun kiwei pat.
Kitei ki longing ba la ioh pdiang ïa ki tin sop ing ki dei na ki shnong bapher bapher ba hap ha ka Mawhati Constituency bad la sam ruh ïa ki tin da u MLA, u Bah Dasakhiatbha Lamare ryngkat ka jngdon lang kiwei ki nongïalam ka NPP party.
Haba kren ha kane ka sngi, u MLA ka Mawhati, u Bah Dasakhiatbha Lamare u la pynpaw ka jingkmen b akum u MLA rygnkat ka jingïatrei lang ki nongïalam shnong bad ki nongïalam ka party la lah ban jied ïa ki longing kiba dei hok shisha ban ioh jingïarap ïa kitei ki tin sop ïing kaba u la sam lyngba ka skhim MLA.
Shuh shuh, u la bynrap ruh da kaba ong ba kum u nongmihkhmat, um shym la shongthait na ka bynta ban ïarap ïa ki paidbah hapoh ka Constituency bad ban pynshisha halor kata, u la lah ban leh shibun ki kam kiba la long shisha ka jingmyntoi ïa ki paidbah hapoh ka Constiteuncy, kata naduh ka kam sam tin, shna surok bad ka jingwanrah ïa shibun ki kam pynroi.