Haduh 122 ngut ki player kiba la pyndep ïa ka jingkyntiap klob ha ka MFA inter-district transfer

Shillong, Nailur 05: Ka Meghalaya Football Association ka la pyllait ïa ki kyrteng jong ki nongïalehkai kiba la ïoh jingmynjur ban kynriah klob hapdeng ki district na ka bynta u snem 2024.
Ki la don haduh 122 ngut ki player ha baroh kiba la apply bad pyndep ïa ki jingdonkam ban kynriah klob. Ka MFA ka la lah ban kyntiew ïa baroh ki kyrteng bad pyllait ïa ka thup ha ka 27 tarik u Nailar.
Ka Meghalaya Police, kaba la ïasoh bad ka Shillong Sports Association, bad ka Niaw Wasa, kaba don bad ka West Jaintia District Sports Association, ki dei napdeng ki kynhun ba treikam bha ha kane ka jingkyntiap klob, da kaba soi phra bad khyndai ngut ki player mar ïabud.
Napdeng ki klob ba don hapoh ka SSA, la sakhi ba ki la don haduh 23 ngut ki player kiba la kynriah sha kiwei ki district association bad 46 ngut kiba la dang wan thymmai. Ka Pyndengumiong District Sports Association ka la sakhi ïa 17 ngut ki player ba mih bad 18 kiba wanrung, katba ka WJDSA ka don 14 ngut kiba mih bad 35 kiba rung.