Khliehriat, Nailur 05: Ka lympung ïalehkai phutbol jong ka kyrdan 2nd Division bala pynïaid da ka East Jaiñtia Hills District Football Association kaba la long ha ka Sngi Palei (5 tarik u Nailur) ha madan Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Dienshalalu SC kala lah ban pynliem noh da 2-0 kol ïa ka Rymbai Pohskur SC.
Ka Dienshalalu SC ka la pynkhihjar nyngkong lyngba u Mulning Rymbai haka minit ba 72 nangta ka jingbakla thep hi da u Riio Lyngdoh (OG) haka minit ba 79 ka la pynthikna ïa ka Dienshalalu ban khur ïa ka jingjop.
Katba ha ka jingïakhun kaba ar ka Lumputhoi SC kala pynliem noh da 2-0 ïa ka SWO Moosianglamare Old SC. Ki kol na ka Lumputhoi la thep da u Rishan Lyngdoh haka minit ba 7 nangta pynbud ïa ka kol kaba ar da u Klas Lyngdoh haka minit ba 22.
