Shillong, Jymmang: Ka National Service Scheme (NSS) – Shillong Commerce College Unit, ka la pynlong ïa ka jingïaid rally ban pynpaw pyrshah halor ka jingpyndonkam ïa u sikret duma shibynta jong ka jingrakhe ïa ka ‘World No Tobacco Day,’ hynne ka sngi.
Ki samla pule ki ba dei ki dkhot volunteer ka NSS kumjuh ki Programme Officers (POs) ki la ïashim bynta lang ha kane ka rally, ha ka ba ïa ki jingthoh postar bad plakad ba la shna da ki samla pule la pyni paidbah ha ryngkat ki jingpyrta pyrshah ïa kine ki jingdih jingbam ki ba sniew bad ki ba ktah ïa ka koit ka khiah.
Shi bynta jong kane ka prokram la pynlong ruh ïa ka jingpynshai paidbah ha ka ba na ka liang u doktor napoh ka kolej u la kren hapdeng ki samla pule halor ka jingktah ka ba mih lyngba ka jingpyndonkam ïa u duma ha ka 30 tarik Jymmang 2022.
Ha ka juh ka por na ka liang ka NSS – Shillong Commerce College Unit ka la ai ruh ka jingkhublei ïa ki bor pynïaid district, khamtam ïa ka Deputy Commissioner, kumjuh ïa ka Shillong Traffic Police halor ka jingai jingbit bad halor ka jinglah ban pynïaid beit iaid ryntih ïa kane ka rally.Kane ka long katkum u kyrwoh lyngba ka Dr. (Mrs.) S. Sen,
Principal, Shillong Commerce College.
