Nongpoh, Nailur 01: Ki Pulit ka Nongpoh Women Police Station ha ka sngi u Blei ki la ïoh sei ïa kawei ka metiap jong kawei ka longkmie kaba la per ha kawei ka pung dohkha ha Umjarasi, Ri-Bhoi District.
Kane ka longkmie ka dei kaba la tip kyrteng kum ka Kong Phriskar Lyngdoh Nonglait 48 snem na ka shnong Mawpdang, Saiden, Ribhoi District.
Ha ka jingtohkit ki Pulit la lap ba ym don dak eiei ha ka met jong kane ka longkmie bad na ka liang ki bahaiing hasem ki la kyrpad ban pyllait noh na ka bynta ban leh ïa ka postmortem hadien ba kim shym la suba sniew eiei halor ka jingïap jong kane ka longkmie.
Da ka jingaibor jong u Majistor ki Pulit ki la aiti noh ïa ka met sha ki bahaiing ban pyndep ïa ka jinglehniam ba khatduh.
