Jowai, Jymmang 31: U Deputy Commissioner (Supply) ka West Jaiñtia Hills District, ula pynbna paitbah ba ïa ka bhah jong u khaw Antyodaya Anna Yojna (AAY) bad Priority House Hold (PHH) hapoh ka skim PMGKAY la dep ban pyllait sha ki nongïoh myntoi na ka bynta u bnai Jymmang (May) 2022, sha ki dukan Wholesalers ba kin leit pynpoi sha ki F.P. Shop Center kiba don hapoh District naduh ka 1 tarik u Jylliew haduh ka 10 tarik u Jylliew 2022.
Ïa u khaw Antyodaya Anna Yojna (AAY) yn sam ha ka jingthew 5 kilo shikhlieh manla ki F.I Card khlem da donkam jingsiew ha sor bad nyngkyndong. Na ka bynta u khaw Priority House Hold (PHH) yn sam kumjuh ha ka jingthew ba 5 kilo shi khlieh ha sor bad nongkyndong.
Kumta la bthah ïa baroh ki Fair Price Shop Dealers ba ki dei ban sam pyndep ïa u khaw PMGKAY hapoh ka 30 tarik Jylliew, 2022 da kaba pyndonkam ïa ki e-Pos machine ha ki Centers.
