Shillong, Jymmang: Ka “20-21 AIPC Mega Convention” ba la pynlong lai sngi lynter naduh ka 26 tarik haduh ka 28 tarik u Jymmang 2022 ha Tura, Meghalaya ka la kut noh ryngkat ka jingïadon lang jong ki dkhot na kylleng ka ri India. Ki don baroh kumba 200 ngut (da ka ba bud ïa ka COVID-19 SOPs)
U Nongmihkhmat na ka North Tura Thomas A Sangma u la ïadonlang ha kane ka sngi kum u Kongsan, bad ka Crisline T Sangma (Retd MCS) kum ka nongshah khot sngewbha ba kyrpang. Kine baroh ar ngut ki la ban jur ïa ka jingdonkam ban pynneh pynsah, ithuh bad burom ïa ka ktien lajong.
La pynlong ïa kane ka prokram da ka All India Poetess Conference ryngkat ka jingïasnohktilang bad ka Garo Deptt, NEHU Tura, A’chik Literature Society bad ka Sahitya Akademi, Delhi. La pyni la ki sap ki phong tynrai lyngba ka shad ka rwai ha ka Cultural pro kram. La pyllait paidbah ruh ïa ka Souvenir jong ka AIPC bad ki kot jong ki nongthoh kynthup jong ka Prof. Streamlet Dkhar
Sngew sarong ruh ba ki nong Meghalaya ki dang ïoh ban bat sah ïa ki kam ba ha khlieh duh ha ka National Level la San Snem lynter, Prof Streamlet Dkhar kum ka Chairperson/ President bad Kong Minimon Laloo kum ka Vice-President. Kine ar ngut ki la wan rah burom bad kyntiew ïa ka Thoh ka Pule ha ka jylla Meghalaya.
U President ba sdang nyngkong ïa kane ka seng AIPC u Dr. Lari Azad, u la long u Paia ba skhem triang, u nongñiah ïa ka jhad ba heh kaba don kumba Shiphew hajar ngut ki Nongthoh kot bad Myllung Kynthei na kylleng sawdong ka pyrthei. Kane ka long katkum U kyrwoh lyngba I Kong Minimon Laloo, General Secretary, AIPC Meghalaya Chapter.
