Mawkyrwat, Jymmang, 25: Ha kaba bud ryntih ïa ka hukum ba la phah da ka Ïingbishar badonburom ha ka 10 tarik u Nohprah, 2021 kaba la pass ha ka ‘PIL No.7/2019 bad kumjuh ha ka Government Notification No. FOR CC/14/2019/Pt/3 bad Government Order No FOR.CC/14/2019/Pt/4 dated ka 14 tarik u Ïaïong 2022’.
Kumta ka Deputy Commissioner jong ka South West Khasi Hills District ka la pynmih ïa ka hukum kaba hap hapoh ka Section 144 CrPC kaba khang bad mana pyrshah ïa ki ‘riew shimet, ki kynhun/kiba trei kam lajong ha kaba ïa dei bad ka ka jingtih ne shoh ïa ki mawria ban sangeh shisyndon na kaba tih be-aiñ ïa ki marpoh khyndew kiba rit ba-ria kum ki maw, ki shyiap bad kiwei kiwei khlem da don ka ‘License of Mining Lease Holder’ kaba la ai da ki bor ba dei peit.
Kane ka hukum kan treikam shisyndon tad haduh ban da pynbna da kumwei pat.
