Jowai, Jylliew 24: Ka ophis District Legal Service Authority, West Jaiñtia Hills mynta ka sngi kala pynlong ïa ka jingai jinghikai kaba shi sngi kaba la tip kum ka Training Session and Legal Literacy Training Programme for Para Legal Volunteers, ha Conference Hall jong ka ophis ka District and Session Court, Khliehtyrshi.
Ka Secretary District Legal Service Authority ka kong B. Majaw, MJS ka la batai ïa ki paralegal volunteers halor ka phang First Information Report, (FIR), ka rukom ujor ïa ka FIR bad kumjuh ruh ïa ka jingdonkam ban biang por ban pyntip ïa kino kino ki jingjia. Ki volunteers kila ïoh ruh ka jingbatai bniah halor kiba bun ki skim kiba pynioh da ka NALSA bad ka Free Legal Services.
Ka kong Majaw kala batai ruh ïa ki volunteers halor ki phang ïa ki bynta bapher bapher kynthup ïaka Right to Information (RTI) Act, 2005, shaphang ka jingpynïapher hapdeng ka criminal Law and civil Law, compoundable bad non-compoundable offences, bailable bad non bailable offences bad ka hok ki nongshnong byndi. Hadien kane ki Volunteer kila ïa shim bynta ha kaba kylli jingkylli bad pan jing pynshai halor ki phang bapher bapher.
