Maligaon, Jylliew 17: Ka rel kaba don ïa u number 13174 Down Agartala – Sealdah Kanchanjungha Express kaba la mih na Agartala ha ka 16 tarik u Jylliew, 2024 ka la ïatakhuh bad kawei ka rel kit mar hapdeng ka Rangapani bad Chatterhat station kaba hab hapoh jong ka Katihar division jong ka N.F. Railway mynta mynstep.
Ha kane ka jingïajia kaba sngewsih 8 ngut ki briew ki la khlad bad 25 ngut kiwei kila mynsaw bad ka jingbteng ban pynlait ïa kiba dang sahkut ka dang ïaid shakhmat, kane ka jingjia ka jngai tang kumba 10 km na New Jalpaiguri station. Kane ka jingïatakhuh ka la jia ha ka por kumba 8.55 baje mynstep.
Ha kane ka jingtakhuh ki rel, ki ophisar ka tnat rel kila poi ha katei ka jaka na New Jalpaiguri, na Katihar, General Manager, N.F. Railway u Cheta Kr. Shrivastava na Maligaon la leit sha katei ka jaka ban shim ïa ki lad ki lynti ban ai ki lad jingïarap.
Ha kane ka jingjia kumba san tylli ki wagon ki la khyllem shabar jong ki nar rel, ïa kiba mynsaw la ai jingsumar kiba biang, bad ïa kiba sahkut la ai bam ïa ki bad ka um ban dih, na ka liang jong ka tnat rel ka la buh ïa ki number ban phone ban ïarap bad ban ki lad ïoh jingtip.
