Shillong, Lber 31: Ka ding kaba lah Klang jur bha ka la bam duh ïa kawei ka Ïing hapoh ka shnong Kuliang ha ka 30 tarik mynta u bnai haduh ba kan da kylla Dpei lut.
Ka khubor kaba lah ïoh la ïathuh ba kadei ka ïing jong u Bah Wanmon Pohshna bad uba dang don ruh ki khun kiba dang rit kumba 5 ngut bad iwei ba dang shibnai shiteng ka rta.
Shuh shuh ka khubor ka ïathuh ruh ba kane ka jingjia pluh ïing ka la jia ha ka por kumba 1.30 baje nohphaisngi ha kaba ym don mano mano ruh ha ïing.
La ong ba baroh ki jingdon jingem kiba don hapoh ka ïing ki la ingkhong lut ba kynthup ïa ki marrep ba dei u kwai.
Na ka liang jong u ula kyrpad ïa kiba don ka mon babha ba kynthup ïa ka sorkar bad kiwei ban ïarap lem ïa u khnang ba un ïoh ban shna biang ïa ka ïing kaba u la duh noh.
