Shillong, Lber 31: Ka khubor ba la ïoh na ki pulit la ïathuh ba ka Kong Sanmillian Mawrie ka la phah ïa ka jingujor ba ha ka 20 tarik mynta u bnai ha ka por kumba 2.30 mynstep, ki runar bym lah ban ithuh ki la tuh ïa ka thuk thuk jong ka kaba don u nombar ML-05W-9257 napoh ka jaka sah jong ka kaba ha Laitkor Kseh Bilat, Shillong.
Ha kawei pat ka jingjia ki pulit ki la ïathuh ba u Fr. Genesius Wanñiang u la phah ïa ka jingujor ba ha ka 25 tarik mynta u bnai ha ka por kumba 10.30 mynmied, ki runar bym lah ban ithuh ki la prong jubor hapoh ka jaka ba dang shna ïa ka ïing kaba hapoh ka BOSCO Integrated Development Society (BIDS) ha Nongthymmai, Shillong bad ki la tuh ïa ki wire bad ki tiar wiring kiba shongdor kumba T. 1 lak.
