Jowai, Lber 29: Ka Sengkhihlang kumba ka ju pynlong ïa ka Lympung jong ka manla u snem hapoh ka bri u hynñiew trep hynñiew skum te mynta u snem ka Sengkhihlang kan pynlong ïa ka Lympung ba 34 jong ka ha ka Seiñ Raij Wahiajer (Raij along) West Jaiñtia Hills District naduh ka sngi 19, 20 bad 21 tarik, Iaiong, 2024 ha ka por 10 :00 baje mynstep.
Ka jing jngai na Shillong haduh Wahiajer ka long 60 Kilometer bad na ka Nongbah Jowai ka long 19 km.
Kumta ka Sengkhihlang ka khot ka wer ia ki khun ka bri u hynniew trep hynniew skum kiba dang bat dang ksoh ïa ka jing ngeit ha ka ñiam Thynrai ba phi sngewbha ban ïawan sha kane ka Lympung ba lai sngi jong ka Sengkhihlang, ka Sengkhihlang ka kyrpad ïa ki Tnad Sengkhasi bad Seiñ Raij bapher bapher ba kin sngewbha ban shim ba kane ka long kum ka jing pynbna paidbah ïa ka Lympung ba 34 ka Sengkhilang.
Ïa u Mawbynna Sahnam jong kane ka Lympung ba 34 jong ka Sengkhihlang yn wanrah ïa u na ka Sengkhasi Shaid Shaid Umoit kaba hap hapoh ka Hima Maharam Syiem Ship. Kane ka long katkum ka jingpyllait khubor u Rgh, S. Sari Publicity Secretary ka Sengkhihlang.
