5.50 klur mang ka Sorkar ban pyntreikam ïa ka CMYDS
![](https://mawphor.com/wp-content/uploads/2024/01/money.jpg)
Shillong, Rymphang, 27: Ka Sorkar Jylla ka la mang pisa T. 5,50,00,000 klur na ka bynta ban pyntreikam ïa ka Chief Minister Youth Development Scheme ha u snem 2023-2024.
Ïa kane ka pyntip da u Myntri ka tnat Sports & Youth Affairs Bah Shakliar Warjri haba jubab ha Assembly ha ka sngi Baar.
U la pyntip ba T. 30 lak la bhah sha ka ophis Deputy Commissioner jong ka Shillong bad Tura katba T.17 lakh la mang na ka bynta ki 10 tylli ki district.
U MLA ka Congress na Mawhati Bah Charles Marngar u la buh jingkylli, hato ka Sorkar ka don jingthmu neem ban pyrkhat biang ban bhah pisa hapoh kane ka skhim katkum ka jingdon jong ki Constituency, u Myntri u la jubab ba ka jingmang pisa ka long katkum ka jingdon jong ki kynhun ne ki klob ba ladep pynrung kyrteng hapoh ka ophis Deputy Commissioner hynrei ym ha ki Constituency.
Haba u MLA ka VPP na Nongkrem Bah Ardent Basaïawmoit u la pan jingtip lada ïa kane ka skhim lah ban ïoh lyngba ki MLA, u Myntri u la ong ba ïa kane ka skhim la ai lyngba ki Deputy Commissioner bad ka Directorate of Sports and Youth Affairs.