Shillong, Rymphang 27: U Bah Kyrmen Shylla, Myntri ka tnad Revenue, u la ïathuh ba ki don palat 2400 ngut ki briew kiba la ïoh sah ha ki jaka jong ka sorkar.
U Bah Kyrmen u la ïathuh ïa kane ha ka iingdorbar mynta ka sngi haba jubab ïa ka jingkylli ba la wanrah da u Bah Ardent Miller Basaïawmoit.
Shuh shuh halor kiwei pat ki jingkylli ba la wanrah da u MLA Nongkrem ha kaba ïadei bad ka jingbna ba ki don ki briew kiba shong ba sah ha Refugee Colony ha Rynjah, kiba la die noh ïa ki jaka jong ki wat lada ka jaka ba ki sah h kadei ka jaka jong ka sorkar u Bah Kyrmen u la ïathuh ba ki don kiba kum kine tangba um lah ban ïathuh namar ba um don ki record kiba biang bad u la pan por na ka ïingdorbar.
