Yn pynlong ka Sein Kyntu Sein Raij 12 Daloi ïa ka lympung ba 27 ha Shnong Pamtadong
![](https://mawphor.com/wp-content/uploads/2022/05/mawphor-1-2.jpg)
Jowai : Ka Seiñ Kyntu Sein Raij 12 Daloi Lympung kan sa pynlong ïa ka Lympung kaba 27 jong ka ha ka Shnong Pamtadong, West Jaiñtia Hills District ha ka 27 bad 28 une u bnai (January) 2024.
Ka Sein Kyntu Sein Raij 12 Daloi ka khot ka wer sngewbha ïa baroh ki nongïalam Sein Raij kumjuh ïa ki nongialam Sein Raij Shnong jong ka Raij bad Sein Raij Shnong bapher bapher. Ka Sein kyntu Sein Raij 12 Daloi ka khot ka wer bad kyrpad khamtam ïa ki khun ka Bri U hynniew trep hynniew skum ban wan sakhilang sha kane ka Lympung.
Ka Sein Kyntu Sein Raij 12 Daloi ka kyntu kynpham ruh ïa baroh kat kiba wan iashim bynta ban ym pynjakhlia ïa ki lynti ki synkieng khamtam hapoh Shnong.