Jowai, Nailar 27: Ïa ka District Level Science Seminar 2026 la pynlong mynta ka sngi Palei da ka ophis jong ka District School Education Officer, (DSEO) West Jaiñtia Hills ha District Library Auditorium, Mynthong, Jowai halor ka phang “Indian Energy Basket 2047: Prospect & Challenges”.
Ïa kane ka Seminar la pynlong khnang da ka jingthmu ban pynrung ha ki khynnah skul ban don ïa ka mynsiem bad ka jingwad bniah ïa ka saian haka jingmut jingpyrkhat.
La wan ban ïshim bynta ha kane ka Seminar da ki 10 tylli ki skul napoh ka District, ha kaba ki khynnah skul ki la pynpaw ïa ka jingtip jong ki halor kane ka phang.
Na ka liang ka District School Education Officer ka Dr. Wa-i-sa Sumer, haba ai jingkren kala jingkitbok kitrwiang ïa ki khynnah skul kiba ïashim bynta ha kum kine ki Seminar, ka la pynsngew ruh ïa ka jingthmu jong ka Vikist Bharat 2047.
Ïa ka kyrdan kaba nyngkong ha kane ka District Level Science Seminar la ïoh da ka Ewanmisa Suting jong ka H K Singh Memorial Secondary School, Jowai. U Rehan Rymbai jong ka QC Springside Higher Secondary School ha ka kyrdan ba ar bad ka Iarika Gashnga jong ka Jawaharlal Nehru Memorial Secondary School, Lamin kala wan haka kyrdan balai.
