Thaba ki dukan kyndap da ki jaiñ ba wan ka President sha Shillong

Shillong, K’ Lyngkot 15 : Shisngi shwa ba ka President jong ka Ri India ka Droupadi Murmu kan wan ïuh kjat ha Nongbah Shillong, mynta ka sngi ka 15 tarik ki bor pulit jong ka jylla kila pynlong ka jingpahara kaba jur ha shilynter naduh Umshyrpi haduh 7 mer ha ka jaka ba ka President kan hiar ha jaka hiar helicopter ki shipai, kum ka jingpynkhreh ne rehearsal na bynta lashai ka sngi.
Lah ban sakhi ha kane ka sngi shait shi shait ban pyni thnnad bad da kaba sar pynkhuid ha shi lynter ka surok, ym tang ba ki pulit ki pynjur ka jingpahara, hynrei la iohi ruh ba ki Bomb squad ryngkat ka jingialam ïa ki ksew pulit ban pynsma ha rud ha khap jong ka surok.
Nalor kata baroh shi katta la ju iohi ïa ki dukan jot kiba rynjiew kiba shu ker tang da ki plastic hynrei la iohi mynta ka sngi ba kine ki dukan ki la thaba da ki da ka ker pynitynnad bha da ki jaiñ rong blue
Nalor kata la iohi ba ha man ki lat ba mih ba rung la iohi ba ka jingpynbiang ïa ki pulit pynïaid kali kum ka jingpynkhreh na bynta lashai ka sngi
Lah ban kdew ba ka President ka la wan sha ka Jylla mynta ka sngi ha Nongbah Tura ban wan plie ia ka Meghalaya Game kaba 5 kaba long ha Tura.
Ka President kan sah miet ha Tura bad kan wan sha Shillong lashai ka sngi bad ban kan leit jngoh ia ki katto katne tylli ki shnong ha Ri Lum Khasi bad Jaiñtia.