Shillong, Naiwieng 27: Hynne ka Lah sngi U Blei, ka kynhun ki nongïalehkai Muaythai hapoh ka lama jong ka Muaythai Association of Meghalaya, ka la wan shakhmat ban pynbna ba ki don haduh 17 ngut ki nongïalehkai kiba la pyndep ban shah pyntbit ïalade kum ki coach halor ka One Standard Mauythai ka rynsan ïalehkai kaba dei tynrai na Thailand. ïa kane la pynbna da u President jong katei ka kynhun, u Bah A.Sun.
Kitei ki 17 ngut ki la ïoh jingithuh na ka International Federation Muaythai Association (IFMA ) hadien ba ki la pyndep ban pyntbit ïalade halor ka OSM level 1 dei lyngba ka rynsan ai jinghikai ba dang shen ba la pynlong da ka United Muaythai Association India (UMAI) ha Kerala, Trisurr naduh ka 16 tarik haduh 19 tarik u Naiwieng 2023.
Kine ki nongïalehkai ki kynthup :- Mary Christine Wriang (12 Khan), Calfari Warkhyllew (12 Khan), Jubinian Mylliemngap (12 Khan), Daniel Nongsiej (12 Khan), Valerian Marbaniang (12 Khan), Bansahnam Kyrpang Warkhyllew (12 Khan), Edilbert laraplang Ryngdongsngi (12 Khan), Teiboklang Marbaniang (12 Khan), Pynnehbor Mylliemngap (13 Khan), Jeffry John Nongdhar (13 Khan), Blaseibok Kharbuli (13 Khan), Alfred Watklet Riahtam (13 Khan), Aibor Syngkli (13 Khan), Pynsuk Sumer (14 Khan), Dauni Nongrum (14 Khan), Paul Ronghang (14 Khan), Angelus Sun (16 Khan)
