Jowai, Naiwieng 14: U ma Comingone Ymbon uba dei ruh u myntri ba peit ïa ka tnat Cooperation mynta ka sngi ula plie ïa ka jingsdang jong ka jingrakhe ïa ka taïew jong ka All India Cooperative Week celebration ba 70, kaba la pynlong ha madan Moosyiem ha shnong Shangpung, West Jaiñtia Hills District.
Ka mat pdeng jong kane ka jingrakhe mynta u snem ka long “Role of Cooperative Marketing India a five trillion Dollar Economy and Sustainable Development Goals”. Ïa kane ka jingrakhe la pynlong da ka tnat Cooperation Department, Government of Meghalaya Registrar haka jingïatreilang bad ka Meghalaya Cooperative Apex Bank Ltd and Rural Finance, Shillong, ka Meghalaya Livelihoods and Access to Markets Projects (Megha-LAMP) bad ka Meghalaya Basin Management Agency (MBMA)
Ka phang mynta ka sngi ka long “Recent Development in Cooperatives.”
Haba kren ha ka jingïalang u ma Comingone Ymbon ula kdew ïa ki jingdonkam ban pynkhlaiñ shuh shuh ïa ka jingthaw ne seng ïa ki Cooperative. Ula pynshlur ïa ki dkhot jong ki Cooperative baroh ban long kiba trei shimkhia bha ban pyntrei ïa kino kino ki projek kiba la pynïoh da ka sorkar haka lynti kaba dei. U buh ka jingkyntu ïa ki kmie ki kpa bad ruh ïa ki khun samla kiba don hapdeng ka jingwad ïa ki jingtrei jingktah ban kin phai jingmut na kaba khmih lynti palat ïa ki kam sorkar hynrei ban phai sha ki kam lajong.
