Sdang ka ‘1st Open Veteran Football Tournament’ ka EJHDFA
![](https://mawphor.com/wp-content/uploads/2023/10/vetaran-2.jpg)
Khliehriat, Risaw 25: Ka East Jaiñtia Hills District Football Association (EJHDFA) mynta ka sngi kala sdang ïa ka 1st Open Veteran Football Tournament na ka bynta kiba 40 snem shaneng ha madan Deinchynrum, Khliehriat.
Ïa kane ka lympung la wan ban plie pyrda da u General Secretary ka EJHDFA, ma Coming one joy Tlang ha ryngkat ka jingdonlang u Waheh Shnong, Diengshynrum ma Wilbert Nongtdu lem bad ki members jong ka Association.
U ma Tlang haba kren ula ai ka jingïaroh khamtam ïa rangbah ka District bad ka jylla hi baroh kiba la kloi ban wan ïashim bynta lang ha kane ka Veteran Tournament, ula kyntu ïa ki players Veteran ba kin phai khmat kumjuh sha ka kam Coaching & Referees khnang ba ka lawei ka District bad ka Jylla ksn kiew haka kam ïalehkai phutbol.
Haba phai sha ka jingïakhun mynta ka sngi ka 12 Dolloi FT kala lah ban pynliem da 1-0 ïa ka Old Star FT, ïa katei ka shikol na ka 12 Dolloi la thep da u Golden Mukhim haka minit kaba 27. Katba ha ka jingïakhun kaba ar ka Ar Dolloi FT kala pynliem da 3-1 ïa ka EJHTOTA, ïa ki kol na ka Ar Dolloi la thep da u Swellmon Shylla haka minit ba 36 & 41 bad u Erick Dkhar haka minit ba 52 bad na ka liang ka EJHTOTA la thep da u Deo-langki Dkhar haka minit ba 8.