Nongpoh, Jymmang 11: Ka Khasi Students’ Union ( KSU ),Umïam Circle mynta ka sngi ka la hiar ban leit khynra naphang ïa ki bar jylla kiba thmu ban wan trei bylla ha ki Karkhana kiba don ha MIDC Umïam khlem da don ki kot ki sla kiba biang bad ki la shu wan bylla beaiñ hapoh kitei ki Karkhana.
Kane ka jinghiar ka Seng KSU, Umïam Circle ha ka jingïalam u Samla Stevenson Kharkrang kum u President lem bad ka jingdon lang ki dkhot, ka dei ruh hadien ba ka seng ka la ioh jingtip hynnin ka miet ba la don da ki spah ngut ki bar jylla kiba thmu ban wan bylla ha kitei ki Karkhana bad kum ka seng ka shim ïa kane ka bynta ban leit khynra ïa kitei ki Karkhana na ka bynta ban khanglad ïa kino kino ki bara jylla kiba thmu ban wan bylla beaiñ khlem da pynbiang ïa ki kot ki sla kiba kiba dei katkum ki kyndon ba la buh da ka sorkar.
Ka seng KSU Umïam Circle ha kane ka sngi ki la leit ruh ban khynra naphang ïa kitei ki bar jylla bad na ka liang ka seng ka lap shibun ba ki bar jylla kiba wan bylla ha kitei ki Karkhana kim don ïa ki kot ki sla bad kim pynbiang ruh ïa ki kot ki sla kiba dei katkum kai kyndon ba la buh da ka sorkar.
Kumba la pynpaw da u President ka KSU, Umïam Circle, u Samla Stevensone Kharkrang, la ong ba ka seng ka la mih ban khynra ïa kitei ki bar jylla ha kitei ki Karkhana, ka dei hadien ba ka la lap ne shem ba na ka por sha ka por ïa ka jingleh baheh bad iuh roit kine ki bar jylla khlem da burom ïa kyndon ba kum ka seng ka la ai da kajingsneng ba tyngeh.
U la pynpaw ruh ba ka seng lyngba kane ka kyrwoh ka la maham tyngeh ïa kino kino ki briew kiba ba ju mlien lane thmu ban wanrah ïa ki nongtrei bar jylla khlem ki kot ki sla kiba biang kat kum ki jingdonkam ka por, ka seng kan ym shong kli kti hynrei kan shim ïaki sienjam kiba tyngeh bad ki nong wanlam ïakitei ki bar kylla kin hap ban shim ïaka jingkitkhlieh halor ka jingpynkheiñ aiñ jongki.
