Nongpoh Jymmang, 11: Ka lympung ïalehkai phutbol bala pynlong da ka KSU Nongpoh Circle bala ai kyrteng kum ka ‘(L) Sabathani Lyngdoh Football Tournament’ kala poi noh sha kaba kut hadien ka jingïakhun phainal kaba la long mynta ka sngi hapdeng ka Umden pyrshah ïaka Rongmesek ha madan ka shnong Saiden.
Ïa kane ka Tournament ba la pynlong da ka KSU Nongpoh Circle ka long shi bynta ban Kynmaw burom Ïa U ne u Samla u ba lah synniang sha ka Jaitbyn-riew ha ki por kiba lah leit noh kaba u la Shakri ïa la ka Jaitbynriew lyngba jong ka Seng KSU bad u dei ruh u Dkhot ba pura Jong ka KSU Nongpoh Circle u ba la khlad noh ha ka 8 Jynmang 2018.
Haba phai sha ka jingïakhun phainal ha katei ka sngi hapdeng ka Rongmesek pyrshah ïaka Umden ka jingïakhun kala long kaba shongshit bala wan ruh ban kyrshan da ki spah ngut ki paidbah nongpeitkai bad naduh ba sdang ka kylla step haduh ka kylla miet ym shym la don ba ioh thep satia namar ka jingtbit jong ki rangïalehkai baroh ar kynhun ha kaha naka liang ki referee kila rai ban pynlong noh da ka jingïashut tie breaker.
Dei haka jingïashut tie breaker da ka jingtbit ki rangshutbol ka Rongmesek kala lah ban pynliem noh ïaka Umden da 4-3 kol ban rah syndon ïaka nam lahduh jong katei ka lympung.
Ïa katei ka lympung la wan ban pynhap pyrda noh da u Bah Biangbor Paliar, Vice President ka KSU sengkmie bad u Bah Ferdinald Kharkamni President ka KSU North Khasi District kum u symbud kongsan haka jingdonlang ki nongïalam ka District, Nongpoh Circle bad ki bahaiing hasem jong u (L) Sabathani Lyngdoh.
Ka Rongmasek kum ka kynhun lahduh ka khur ïa ka song pisa 30 hajar ryngkat ka trophy bad ka Umden ka la khur ïa ka song pisa 15 hajar ryngkat ka trophy.
