Wat la ym pat pynbna lut ïa ki kyrtong, sdang khluit ka lyer election ha Ri Bhoi

0

Nongpoh, Jymmang 10: Katba ka jylla ka la dang kynjoh sha ka samoi ban pynthymmai biang ïa ki nongmihkhmat sha ka ingthaw aiñ hapoh ka jylla bad la sakhi ha Ri Bhoi District ka lyer election ka la dang beh ha man la ki Constituency, ha kaba kito ki kyrtong kiba don jingthmu ban ïakhun ki la tur kylleng kylleng ki shnong ki thaw ban pan kata ka jingkyrshan na ki paidbah ki Constituency.
Kum ban pynkynmaw, ka Ri Bhoi District ka don haduh 5 tylli ki Constituency ba kynthup ïa ka Nongpoh, Jirang, Mawhati, Umsning bad ka Umroi Constituency bad kumba la paw pyrthei ki Party kiba la khohreh ban pan ka jingkyrshan ki kynthup ïa ka party Congress, ka party UDP, NPP, HSPDP bad ka PDF.
Haba phai sha ki kyrtong ba la pynbna paidbah da ki party kumba long haduh mynta dang tang 3 ngut ki kyrtong ba la pynbna daka party ba kynthup ïa u Bah Badhok Nongmalieh na ka UPD na Jirang Constituency, u Bah Rosweel Shadap na ka party PDF na Mawhati bad ka Kong Iva Kharbani na ka party HSPD na Mawhati Constituency.
Haba kren halor kane ka election 2023 ban sa wan ha ka jylla, kumba la paw pyrthei ha Ri Bhoi ka lah ban don shibun ki jingkyllla bad ym pat lah ban batai haduh mynta kano ka party kaba kham khlain, namar ki paidbah kumba long haduh mynta da wan mano mano ruh kim pynpaw pyrthei ïano kin kyrshan bad teng teng ka long thamula ba lada pynlong jingïalang kano kano ka party bunsien kijuh ki dur khmat ki paw beit ha kano kano ka jingïalang jong ka party lait noh tang kito ki nongïalam ba la paw ka party.

Leave A Reply

Your email address will not be published.