Jowai, Nailur 30: Ka Jaiñtia Student’s Movement (JSM) Seng Kmie hadien ka jingïaid lynti da ki bnai na ka liang ka Sorkar Meghalaya bad Assam lyngba ka District Administration jong ka West Jaiñtia Hills District bad West Karbi Anglong District kila pyrshang kumno ban wanrah ïa ka Shongsuk shongsaiñ hapdeng ki jaidbynriew Karbi bad Jaiñtia.
Naka ka liang ka seng ka shem ba kaba ki leh ka long kaba don nongrim bad kaba bha tam na ka bynta ban wanrah ïa ka jingshong suk jong ki arliang manla ha ryngkat ka jingïatreilang bad noh synniang ki ar seng ka Jaiñtia Student’s Movement JSM bad Karbi Students Association KSA ha i bor barit halor ka shongsuk shongsaiñ jong ki para jaidbynriew Tribal Karbi bad Jaiñtia bad kin nangïatreilang bad ka Sorkar lyngba ka District Administration jong ka West Jaiñtia Hills District bad West Karbi Anglong District na ka bynta ban wanrah ïa ka shongsuk shongsain hapdeng ki jaidbynriew Karbi bad Jaiñtia.
Ka seng ka pynpaw ka jingiaroh bad ai Khublei kyrpang ïa ki Nongïalam ki arliang manla ki Deputy Commissioner jong ka West Jaiñtia bad West Karbi Anglong ryngkat bad ki Superintendent of Police of West Jaiñtia and West Karbi Anglong ha ryngkat ka jingshimkhia jong ka Sorkar Meghalaya bad Assam na ka bynta ban tem ïa ki jingkynad bad wad ki lad ki lynti jong ka jingsuk bad ba ki jaidbynriew Jaiñtia bad Karbi ki lah ban im kum shipara.
Ka JSM ruh ka pynpaw ka jingïaroh bad burom ïa ka seng KSA na ka bynta ka jingshimkhia bad trei borbah jong ka ha ka ban wanrah ka jingsuk bad shongsuk shongsain jong arliang manla ki jaidbynriew Karbi bad Jaiñtia.
Kumta da ka mynsien ba sngewrit ka seng JSM ka buh ka jingkyrpad ïa baroh ki paradoh parasnam jong ka bri hynñiewtrep ban ym ai ding halor ka jingjia ha Lapangap khnang ba ka jingsuk bad ka jingïadei hapdeng ki Karbi kan wanrah ka jingkyrkhu ïa arliang manla ha baroh ki liang.
