Plie paidbah u PM ïa ka ‘Sankalp Saptaah’, ka prokram ba shi taïew na ka bynta ki Aspirational Block

Shillong, Nailur 30 : U Myntri Rangbah Duh, u Narendra Modi u la plie paidbah ïa ka prokram kaba shi taiew na ka bynta ki Aspirational Block ha ka ri kaba tip kum ka ‘Sankalp Saptaah’ ha Bharat Mandapam, New Delhi mynta ka sngi. U la pyllait paidbah ruh ïa ka Aspirational Blocks Programme Portal bad ruh ïa ka exhibition ha kane ka sngi.
U Myntri Rangbah Duh u la ïakren ruh bad 3 ngut ki Block Level Officer.
Ha ka jingïakren bad ka RanjanaAgarwal, ka nonghikai na Baheri, Bareilly, Uttar Pradesh, u Myntri Rangbah Duh u la kylli shaphang ka sienjam kiba seisoh tam na ki ChintanShivir ba la pynlong ha ka block jong ka. KaRanjanaAgarwalka la kren shaphang ka prokram ka roi ka par kaba pura ha ka block bad ka la kdew sha ka jingdonkam jong baroh kiba ïadon bynta ba kin ïawanlang hapoh kawei ka rynsan khnang ban pynkylla ïa ki skhim Sorkar sha ka jingïakhih paidbah.
U Myntri Rangbah Duh u la kylli ruh shaphang ki jingpynkylla ba la pyntreikam ban kyntiew ïa ka jingïoh jingnang jingstad ha ki skul. Ka Agarwal ka la kren shaphang ka jingpdiang ïa ki rukom ai jinghikai ha kaba ki khynnah ki leh ïa ki kam bapher baher ha ka jaka jong ka rukom ai jinghikai ba mynshuwa bad ka la ai nuksa da ki Bal Sabha, ki jinghikai ha ka put ka tem, ki jinglehkai bad ka jingkilan met ha ryngkat kiwei kiwei.
Ka la kren ruh shaphang ki smart classroom bad ka jingpyndonkam ïa ka teknoloji ban kyntiew ïa ka jingai jingnang jingstad. Ka la ïathuh shaphang ka jingdon ki smart classroom ha baroh 2,500 tylli ki skul ha ka distrik jong ka.
U Myntri Rangbah Duh u la ong ba kawei na ki bynta ba kongsan jong ka Viksit Bharat ka dei ka jingai ka jingpule kaba bha ïa ki khynnah. U la ong ba u dap da ka jingkmen ban ïohi ïa ka jingtrei shitom bad ka bynta jong ki nonghikai. Kane ka dei la lad sha ka ‘Samarpan se Siddhi’.
U Dr.Sajied Ahmed, Veterinary, Assistant Surgeon naMankote, Poonch, Jammu & Kashmir u la batai shaphang ki jingeh jong ki nongrijingri kiba shang shane shato bad ki rukom pynduna ïa kine ki jingeh bad ki jingjulor haba ïaid na kawei ka jaka sha kawei pat. U la batai ïa u Myntri Rangbah Duh shaphang ki jingshem jong u. U Doktor u la ïathuh shaphang ki jait mrad kiba khlain ki bym ïoh jingithuh ha ki classroom. La ïathuh ïa u Myntri Rangbah Duh shaphang ka jingai dawai tika na ka bynta ka jingpang foot and mouth bad la ïathuh ruh ïa u shaphang ka jingkiew ka jingpdiang ïa ki dawai tika ha ka thain. U Myntri Rangbah Duh u la kren shaphang ka jingïajan jong u bad ki Gurjar jong ka thain namar ki pynkynmaw ïa u shaphang ki briew na Kutch.
Ha ka jingïakren bad u MikehenchardChMomin, Jr. Rural Development Officer naResubelpara, NGH (Thain Garo), Meghalaya, u Myntri Rangbah Duh u la kylli shaphang ki jingpynbeit ïa ki jingeh kiba ïakynduh ha ka por ba lynshop ki bor ka mariang ha ka thain. U Momin u la batai shaphang ka jingai jingtip lypa ban pynlong ïa ki jingdonkam bad ka jingseng ïa ka kynhun ban peit ïa ka jingïaid shaphrang jong ki kam. Haba u Myntri Rangbah Duh u la kylli shaphang ki jingkylla ha ki jingjop kiba la wan lyngba ka jingwanrah ïa ki jingsaiñdur katkum ka thain bad ka shna jingshna kaba don ka jinglong trai ha ka PM-Awas (Gramin) ban kyntiew ïa ka rukom im, u Momin u la ong ba kane ka la pynkylla shisha ïa ki kam ki jam.
Haba u Myntri Rangbah Duh u la kylli shaphang ka jingthung bad jingpynïaid iew ïa ki cashew na ka thain, u Momin u la ong ba ki cashew na ka thain ki dei kiba bha bad u la kren shaphang ka MNREGA bad ki self-help group ba la pyndonkam ban pynshlur ïa ka jingpynmih ïa ki cashew. U Momin u la kyntu ruh ïa u Myntri Rangbah Duh ban seng shuh shuh ki jaka pynmih cashew ha ka thain.
U Modi u la kren ruh shaphang ka bor jong ka put ka tem ha ka thain ban ai jingtip shuh shuh. U Myntri Rangbah Duh u la ban jur halor ka bynta ba kongsan jong ki Gram Panchayatha ka prokram Aspirational Block bad District.
Ha ka jingai jingkren jong u, u Myntri Rangbah Duh u la ban jur halor ka jaka ba pynlong ïa kane ka prokram – ka Bharat Mandapam bad ki briew kiba wan ïashim bynta-ki briew kiba peit ïa ka roi ka par ha ki jaka kiba jngai. Kane ka dei ka dak jong ka rukom pyrkhat ka Sorkar ba kane ka jingïalang ka long ha kajuh ka jaka ba long ka G20 summit, ha kaba ki briew kiba shim ïa ki rai kiba ïadei bad ka pyrthei ki la ïalum lang ha une u bnai uba la dep.
U Myntri Rangbah Duh u la pdiang burom ïa kine ki briew kiba wanrah ïa ki jingkylla ha ka shnong ka thaw. “Ïa nga, kane ka jingïalang kam duna ïa ka G20”, la ong u Modi.
U la ong ba kane ka prokram ka dei ka dak jong ka jingjop ka Team Bharat bad ka mynsiem jong ka SabkaPrayas.Kane ka prokram ka long kaba kongsan na ka bynta ka lawei jong ka India bad ka ‘Sankalp se Siddhi’ ka long kaba kongsan ha kane.
U Myntri Rangbah Duh u la ong, “Ha ka thup jong ki 10 tylli ki prokram ba biang tam ha ka India kaba la ïoh jinglaitluid, ka Aspirational District Programme kan long kaba phyrnai.” Ka prokram Aspirational District ka la pynkylla ïa ka jingim jong kumba 25 klur ngut ki briew ha 112 tylli ki distrik, u la ong. Ka jingjop jong kane ka prokram ka la dei ka nongrim jong ka prokram Aspirational Block, u la ong da kaba ïathuh shaphang ki jingïaroh bad ki jingjop jong ka prokram ha kylleng ka pyrthei. U Myntri Rangbah Duh u la ong ba ka prokram Aspirational Block kan long kaba jop namar ym pat ju don kum kane bad ruh namar ki briew kiba trei na ka bynta kane ki long kiba tbit ha ka kam.
Ha ka jingbatai shaphang ka jingïakren jong u bad 3 ngut ki Block Level Officer ha kane ka juh ka sngi, u Myntri Rangbah Duh u la ong ba ka jingsngew shngain jong u ka kiew shuh shuh haba u ïohi ïa ka jingkyrmen jong kito kiba trei ha ka kam. U Modi u la ong ba u kwah ban ïatrei lang bad kine ki ophisar bad ban long u dkhot jong ki kynhun jong ki bad u la ong ba u thikna ïa ka jingurlong jong ki jing thmu jong ka prokram shuwa ka por ba la buh.
U Myntri Rangbah Duh u la ong ba un peit bniah ïa ka jingïaid shaphrang jong ka prokram. U la ong ba un leh ïa kane ym namar ba u kwah ban ïohi ïa ka jinglah treikam hynrei namar ki jingjop ki aibor shuh shuh ïa u ban un treikam. “Ka jingjop jong ka prokram Aspirational District ka ai mynsiem ïa nga”, u la ong.
Da kaba kdew sha ka jingdap 5 snem ka prokram Aspirational District, u Myntri Rangbah Duh u la ong ba u kmen shaphang ka jingjurip ka kynhun ba shimet ïa ka prokram. Ha ka jingkren shaphang ka rukom treikam ka prokram, u Myntri Rangbah Duh u la ong ba kine ki dei ki jinghikai haba ïakynduh ïa ki kam ba eh ha ka jingai jingsynshar ka Sorkar. Da kaba ban jur halor ka jingdonkam jong ka roi ka par kaba pura, u Myntri Rangbah Duh u la ong ba dei ban sumar ïa baroh ki thain jong ka ri. “Ka jing bym don ka roi ka par kaba pura, kaba ktah ïa baroh, kaba ai jingmyntoi ia baroh ka lah ban pyni ïa ka roi ka par hynrei kane kam dei ka roi ka par kaba naduh tynrai. Ka dei namar kane ba ngi dei ban peit bha haba ngi peit ïa ka roi ka par ha ka shnong ka thaw.”
U Myntri Rangbah Duh u la kyntu ïa ki Secretary na ki tnat bapher bapher kiba la ïadon lang ha kane ka sngi ba kin trei ha ki ar bynta – ka roi ka par kaba stet ha man ki jylla bad ka jingïalam lynti ïa ki distrik ba dang sahdien. U la bthah ïa ki ba kin wad ïa 100 tylli ki block ha ka ri kiba dang sahdien ha ki kam kiba ïadei bad ki tnat jong ki bad ban kyntiew ïa kine ki bynta.
U la ong ba ka roi ka par kan sa kyllashisien ba kine ki 100 tylli ki block ki la ïakot lang bad ka roi ka par jong ka ri. U la ai jingmut ïa baroh ki tnat Sorkar Pdeng ba kin peit bniah ïa ka roi ka par jong ki block kiba don lad ban kiew shaphrang. U la kdew sha ka bynta jong ki Sorkar Jylla ha kaba u la kyntu ïa ki ba kin wad ïa ki 100 tylli ki shnong ba dang sahdien tam bad ban saindur ïa ka rukom treikam ban kyntiew ïa kine bad ba ïa kane lah ban pynbud pat sa ha ki 100 tylli ki shnong ban wan.
Ha ka jingkren shaphang ka Pranban pynkylla ïa ka India sha ka ri kaba la kiew shaphrang shuwa u snem 2047, u Myntri Rangbah Duh u la ong ong ba ka roi ka par kam mut ka jingdon ki nongbah kiba la kiew shaphrang ha ryngkat ki shnong kiba dang sahdien.