Shillong, Nailur 01: Ka jingïalehkai jong ka lympung U-20 4th DIVISION Football League 2023 ba la pynïaid da ka Shillong Sports Association kaba long hynne ka Sngi Thohdieng ha madan 3rd Ground, MFA Turf , Polo ha ka por 5 baje jan miet hapdeng ka Mawlynrei SC pyrshah ïa ka Dilingiem YSCWA.
Ka jingïakhun ka la kut ha kaba ka Mawlynrei SC ka la ïoh ban khur ïa ka namjop hadien ba ka la pynliem salit da shi kol haduh kaba kut jong ka 90 minit. Ka shi kol na u Justin Marboh kaba la thep ha ka 44 minit kaba la biang pura ïa ka Mawlynrei SC ban khur ïa ka namjop ha kane ka jingïakhun.
. Mynta ka sngi kin don ar tylli ki jingïakhun jong ka SSA U-20 4th DIVISION Football League 2023 ha madan 3rd Ground, MFA Turf , Polo, ka jingïalehkai kaba nyngkong kan long ha ka por 4 baje jan miet hapdeng ka Madan S&CC pyrshah ïa ka Lumpyngngad SC.
Nangta ka jingïalehkai kaba ar kan long hapdeng ka Laitumkhrah SC pyrshah ïa ka Nongkolew SC, ha ka por 5 shiteng jan miet.
