Nongpoh, Jymmang 06: Ki nongïalam barim ka NPP na Nongpoh Constituency mynta ka sngi hadien ba ki la dep ban mih noh na ka NPP ha ki bnai ba la dep noh bad mynta ki la wan ban pynïasoh noh sha ka party UDP ha Nongpoh Constituency na ka bynta ban kyrshan ïa ka party UDP ha kane ka election 2023 na Nongpoh Constiteuncy.
Kine ki nongïalam barim ka NPP kba la mih noh bad kiba la wan ban pynïasoh noh sha ka Party UDP ka dei ha ka jingïalam u Bah Augustine Wahlang kum u President barim ka NPP na Nongpoh bad kynthup kiwei ki nongïalam ba kynthup ïa u Bah Tiplem Lymphuid, uba long kum u General Secretary barim ka nPP, ka kong Dolis Mallai, President Women’s wing, u bah Arvingstone Syiem, President Youth wings, u Ebanesar Shylla, Workong President Youth Wings, u samla Stanwell Manih, publicity Secretary lem bad shibun ngut kiwei pat.
Ïa kine ki nongïalam barim ka NPP na Nongpoh la pdiang sngewbha da u Bah Bah Brolding Nongsiej, MLA na Mawthadrai-shan, ha ryngkat ka jingdon u bah Jemino Mawthoh General Secretary UDP, u bah Donbok Khymdeit President UDP Ri Bhoi District, u bah Allantry Dkhar Vice President UDP central body, u bah Balajied Ranee MDC Nongpoh, u bah Andrias Syngkli bad kiwei kiwei.
