Shen yn sdang ka ‘14th District Open Badminton C’ship 2023’ ka WJDBA
![](https://mawphor.com/wp-content/uploads/2022/04/Sports-750x430.jpg)
Jowai, Nailar 24: Ka West Jaiñtia District Badminton Association, (WJDBA) Jowai shen kan sdang noh ïa ka jingïalehkai Badminton bala tip kum ka ‘14th District Open Badminton Championship 2023’ ha Indoor Sports Hall ka Seiñ Raij Jowai kaba don ha Tpep-Pale Jowai.
Ïa kane ka lympung ïalehkai Badminton yn sdang naduh ka 1.9.2023 haduh ka 9.9.2023, ha ki kyrdan ïalehkai ba kynthup ïa ka Women, Men’s 35+, Men 50+, Men Single bad Double.
Na ka liang ka Association ka khot bad wer tang na ka bynta ki khun ka Ri-Lum Jaiñtia ba kin wan ïashim bynta haka 14th District Open Badminton Championship 2023, ïaka tarik ba khadduh ban pynpoi ïaki kyrteng kan long haka 30/8/2023 hapoh ka por 5 baje janmiet.
La pyntip ba ka por sdang jong ka jingïalehkai kan long beit thik 5 baje janmiet, ïa ki jingtip ba kham bniah lah ban kynduh ïa u Tournament Secretary ma H. Bareh.